AP-ah Airport din a ni dawn : Raju

Union Minister for Civil Aviation Ashok Gajapathi Raju chuan Arunachal Pradesh-ah airport din a nih tur thu a puang.

Union Minister Raju chuan AP-ah hian airport din turin sorkar laipui chuan hma a la mek tih sawiin, zirchian mek a ni, a ti. Sorkar laipui ruahman dan chuan Karsingsa leh Hollongi-ah te airport hi din a ni dawn a, ministry zirchianna report nghah mek a ni, a ti. Report hi peihfel a nih hunah state sorkar-ah pekluh tur a nih thu sawiin, engkim peihfel a nih velah hna ṭan thuai a ni ang, a ti. AP-ah hian Advance Landing Ground (ALG) eng emaw zat siam a ni a, hei hi state sorkar chuan mipuiten an hman theih nan sorkar laipuiah ngenna a lo thlen tawh a ni. Mahse sorkar laipui chuan mipuite hman theih tura airport din turin hmalakna a kalpui ta tih Raju chuan a sawi.

Raju hi AP Chief Minister Pema Khandu, deputy chief minister Chowna Mein, chief secretary Shakuntala D Gamlin leh principal secretary Satya Gopal-te chuan an lo dawngsawng a ni. AP-ah hian cargo flight service a awm theih nan Raju chuan state sorkarah rawtna a thlen bawk.