Tripura ṭhalaite NSDM hnuaiah training dawn

National Skill Deve­lopment Mission (NSDM) hnuaiah Tripura-a hna thawh tur nei lo ṭhalai nuai chuang zet chu kum thum chhung an training dawn.

Tun hnai khan Tripura sorkar leh National Skill Development Corpo­ration ṭangkawp chuan “Training Centre Affiliation and Accredi­tation under NSDC” an buatsaih a, he hunah hian ṭhalaite tana training buatsaih sak an nih tur thu hi puan a ni. Skill Development director S. Prabu chuan, Skill Directorate chuan hemia tan hian department ṭhenkhat a thawpui dawn tih sawiin, a bikin Agriculture, Animal Resource Development Department, Fishery, Forest, Industries and Commerce, IT, Minority Welfare, Power, Public Works Department, Rural Development Department, Transport leh Urban Development Department-te chu thawhpui an tum thu a sawi.

Nagaraju chuan, sorkar laipui flagship programme ‘Pradhan Mantri Kaushal Vikas Yojna’ (PMKVY) hnuaiah, Ministry of Skill Development and Entrepreneurship (MSDE) an thawhpui dawn tih a sawi bawk.