UNC hruaitu hluiten Manipur CM an dem

United Naga Council (UNC) president hlui pathum, KS Paul Leo, Samson Remei leh L Adani-te chuan Manipur Chief Minister Chief Minister Okram Ibobi Singh chu National Highway danchah a nih chung changah an dem thu an sawi chhuak.

UNC hruaitute hian thuchhuah siamin, Manipur-in buaina nasa tak a hmachhawn mek chhanah O Ibobi chu mawhphurtu a ni, an ti. State chhunga hnam hrang hrangte inkara buaina theng ṭhinah mawhphurtu a ni tih sawiin, dan leh thupek a kengkawh ṭha tawk lo niin an sawi. Union Home Minister Chidambaram hun laiin, Naga-te leh Manipur sorkar chuan district pek chungchangah Memorandum of Understandings (MoU) pali an ziak tih sawiin, chungte chu Naga-te remtihna tel loin sorkar chuan a palzut a ni, an ti.

Ibobi Singh-a kaihhruai sorkar chetdan chu India danpui kalh a nih thu sawiin, district pek dan hian democracy a palzut a ni, an ti. Chief Minister-in state huam chhungah hnam bilin ram an neih loh thu leh, state sorkar thuhnuaia awm vek a ni a tih chu thudik lo a ni an ti. India danpui Article 371 chuan tribal-te chenna chu tribal-te ta a nih thu leh, thuneihna sang tak pek an nih thu a tarlang niin an sawi bawk.