'A hmasa berah State, a dawtah Hnam, Mahni chu a tawp berah'- AP CM

Arunachal Pradesh chief minister Pema Khandu chuan hmasawnna turin mahni hamṭhatna tur dah hmasak ber ṭhin chu thlakin, state chu a hmasa berah dahin, a dawtah hnam (tribe) leh a tawp berah mahni chu indah tur a ni, a ti.

Changlang district-a Jairampur-a Youth Affairs department-in ‘Arunachal Yuva Samanvay’ a buatsaihah Chief Minister chuan he thu hi a sawi a ni.

'Pan Arunachal' chu state leh mipuiten kawng tinrenga an hmasawnna tura pawimawh a ni tih sawiin, hnam hrang hrangte lungrual taka thawhhona chu hmalam panna tur kawng pawimawh a ni, a ti.

Mahni leh tribe dah hmasak ṭhin chu thlak a ngai tih sawiin, Chief Minister chuan state anga hmasawnna tur chuan state chu dah hmasak a, tribe leh mahni ten an dawt a ngai zawk a ni, tiin a sawi. An state-ah hnam hrang hrang, culture in ang lo tak tak an awm a, mahse pan-Arunachal chuan mitinte ang khat veka hmasawnna tur chu a tum tih a sawi.