Manipur Secretariat staff-ten nawrh huaihawt

Manipur Secretariat Services’ Association (MSSA) chuan sorkarin thla thar ni khat nia hlawh a pek theih loh ṭhin avanga lungawi lohna lantirin, Thawhlehni aṭang khan nawrh an huaihawt.

Hlawh lak hun a mumal loh ṭhin avangin hnathawkte chuan an tuar a, bank loan late chu thla thar ni hmasa berah rulh a ngai ṭhin a, an pek theih loh avangin penalty an chawi tel a ngai fo tih MSSA president Purujit Lairikyengbam chuan a sawi. Chhungkaw khawsak thlengin a nghawng tel bawk a ni, a ti.

Hei vangin sorkar a hunbi dik taka hlawh pe ṭhin tura phutin, an thil phut hi a ngaihtuahsak hma chuan hna an thawk tawh dawn rih lo tih MSSA chuan an sawi a ni.