Loktak dil-ah Pengba sangha no nuai 1 chhuah

Manipur chief minister N Biren Singh hoin Nilaini khan state fish, Pengba sangha no nuai khat chu Loktak dil-ah a chhuah a ni.

CM Singh hian ICAR-Central Inland Fisheries Research Institute, Barrackpore leh Manipur sorkar hnuaia Fisheries Department leh Loktak Development Authority, Manipur-ten Loktak Lake-a Pengba (Osteobrama Belangeri) sangha no chhuah leh, Dimapur district-a Sendra-a sangha khawitu pawlte hnena Cage Net leh Fish Feed semna programme an buatsaih chu a hmanpui a ni.

Singh chuan ICAR-CIFRI-in tualchhunga sangha khawitute leh department thawhpui a, an state-a sangha chi hrang hrangte humhalhna kawnga hma an la chu lawmawm a tih thu a sawi. State chhunga sangha chi hrang 54 awm ṭhin zingah, tunah hian chi 35 chauh an awm tawh tih sawiin, humhalh an ngaih thu a sawi. Mipuiten dil-a bawlhhlawh an paih ṭhinte chuan sangha leh tuia cheng nungcha dangte tan a pawi thei hle ṭhin a ni, a ti.

Loktak Lake leh a chhehvel cheiṭhatna turin Rs vbc 15 sanction a nih thu leh, heng zingah Rs vbc 2.5 chauh hman a la nih thu CM chuan a sawi bawk.