Hmarchhak mi hnenah Ashok Chakra hlan

Jammu and Kashmir-a helbeihnaa thi Aruanchal Pradseh mi Havildar Hangpan Dada chu chawi­mawina sang Ashok Chakra hlan a ni.

Havildar Hangpan Dada hian nikum May thla khan J&K-a helte nena an inkahnaah nunna a chan a, Ningni khan President Pranab Mukherjee chuan mihuaisente chawi­mawina sang hi a chhungte hnenah a hlan a ni. President chuan chawimawina hi Rajpath-a Republic Day lawmnaah a hlan a, zahna entir nan mipuite chu hun eng emaw chhung ngawi rengin an ding a ni.

Dada hi October 2, 1979 khan Aruachal Pradseh-a Borduria thingtlangkhuaah a piang a, kum 2008 khan Special Force a zawm. Kum 2016 March thla khan 35 Rashtriya Rifles zawm turin a in volunteer a ni. May 27, 2016 khan hel pawlte nen inkapin, company commander chuan Dada chu himna zawnga tawlh kir turin a ti a, mahse tlawm duh loin a beilet a, kahhlum a ni ta a ni. Dada hian hel pathum a kaphlum a, midang eng emaw zat a kap hliam bawk. Dada hi August 15, 2016 khan India rama sipai huaisente chawimawina sang hlan a lo ni tawh bawk.