US pan tum Manipur naupang pahnih IGI Airport-ah an man

Central Industrial Security Force-te chuan Manipur naupang pahnih chu document tel loa United State (US) pan an tum avangin, Indira Gandhi International (IGI) Airport New Delhi-ah Nilaini khan an man.

Mipa naupang pahnih te hi kum 12 leh 15 mi an ni a, Nilaini khan Manipur khawpui Imphal aṭangin New Delhi hi an pan a ni. Document fel fai an neih loh avangin CISF-te chuan thu an zawt fiah a, Air India counter-ah man an ni zui ta a ni. Hethil thleng hi CISF-te chuan an chhui chiang nghal a, heng naupangte hian hruaitu an neih loh avangin eng vanga US pan tum nge an nih an chhui mek a ni. Naupangte hian an kal dawn hian an chhungte an hrilh lo a, an awmna chin an hriat loh avangin an chhungte chuan police station-ah FIR an thehlut a ni.

CISF officer-te'n naupangte bag an enfiahna lamah cheng nuai 1.94 an man a, avai hian pawisa note thar vek a ni. Pawisa bakah hian thawhhnaw leh lekhabu te hmuh a ni bawk. Naupangte hian an chhungte nen an intihthiam loh avangin US pan an tum niin an sawi a, he thil thleng hi Manipur Police pawh hriattri ngal an ni.