Software technology park din a ni ang : Tripura Governor

Tripura Governor Tatha­gata Roy chuan, information technology lama hmasawnna turin Software Technology Parks (STP) din thuai a nih tur thu, Ningani khan a sawi.

Ruahman dan chuan STP hi Agartala-ah pahnih din a ni dawn a, Tripura mai bakah hmarchhakin information technology lama hma an sawn theih nana tih a ni. Governor chuan he thu hi Republic Day lawmna Assam Rifles Ground-a thu a sawiah a sawi chhuak a ni. Agartala chu Mumbai leh Chennai dawta international inter­net gateway (IIG) pathumna ni turin hma­lakna kalpui mek a ni, a ti. Hemi atan hian Bharat Sanchar Nigam Limited (BSNL) leh Bangladesh Submarine Cable Company Limited-te chu an thawhpui tih a sawi. Tripura chu India rama ziak leh chhiar thiam tamna (96.82%) a nih thu sawiin, state chuan hmasawnna kawng a zawh mek zel a ni, a ti.