Nagaland-ah hri kai hmuh chhuah tam ber ni thleng
Nagaland-ah nimin khan hri kai hmuh chhuah thar mi 69 an awm a, ni khata hri kai hmuh chhuah tam ber ni a ni.
Health minister S Pangnyu Phom chuan Covid-19 kai hmuh chhuah thar zinga mi 65 chu Peren quarantine centre-a mi an nih thu leh, Dimapur quarantine centre-a mi pathum leh Zunheboto quarantine centre-ah mi pakhat an awm bawk niin a sawi.
Nagaland-a hri hmuh tawh hi mi 280 an tling tawh a, an zinga 141 chu enkawl dam an ni tawh thung.
Assam-ah
hri kai 5,586 awm tawh
Assam-ah hri kai an pun belh zel a, nimin khan hri kai hmuh chhuah hi mi 5,586 an tling tawh a ni. Hri kai hmuh tawh zinga mi 3,404 chu enkawl dam ni tawhin, enkawl mek mi 2,170 an awm.
AP-ah positive
pali hmuh belh
Arunachal Pradsh-ah nimin khan Covid-19 kai mi pali hmuh chhuah belh an ni. Hri kai hmuh tawh hi mi 139 an ni tawh a, an zinga 21 chu enkawl dam ni tawhin damdawiin
aṭangin chhuahtir an ni tawh.
Tripura-ah hri kai
thar 35 awm
Tripura-ah Pathianni zan khan hri kai thar mi 35 hmuh belh an ni a, hri kai hmuh tawh hi mi 1,225 niin, Assam dawtah hmarchhak state zinga hri kai tamna ber a ni.