NE healthcare facility tihchang-tlunna tur Rs vbc 190 sanction

Development of North Eastern Region (DoNER) minister Jitendra Singh chuan hmarchhak state pariata healthcare facility tihchangtlunna turin cheng vaibelchhe 190 sanction a nih thu a sawi. 

Pathianni khan union minister ho hian health secretary te bakah ''aspirational districts'' 14-a deputy commissioner leh health department official-te chuan virtual meeting  neih a ni a, he hunah hian healthcare facility thuam chakna tur sum dah a nih thu hi a sawi a ni.

DoNER minister chuan tunlaia hri leng mek chungchanga tawn­hriat neihte chu hun lo kal leh tura hri leng laka lo inbuatsaih dan tur atana inzirna atan pawh a pawimawh tih a sawi bawk. Hmarchhak state-te hnenah  North East Special Infrastructure Development Scheme (NEISDS) hnuaia health-related project chungchanga rawtna te thehlut tura hriattir an nih thu leh, Tripura rawtna chiah nghah a nih tawh thu a sawi. 

Singh chuan hri a len tirh khan, sum lama indaihna phuhrukna turin DoNER ministry chuan cheng vaibelchhe 25 a pek chhuak nghal thu a sawi bawk a ni.