Manipur-ah Meghalaya CM leh Assam minister zin

Manipur politics buaina avangin BJP kaihhruai ṭangrual sorkar dinhmun a derthawng mek a, hei vang hian Pathianni khan Assam health minister leh BJP hruaitu Himanta Biswa Sarma leh, Meghalaya chief minister leh National People's Party (NPP) president Conrad Sangma te chu Manipur-ah an zin. 

Hruaitu pahnihte hian Pathianni chawhnu dar 1 khan thlawhtheihna thuhmun hmangin Imphal an thleng a ni. Himanta Bisaw Sarma hi  North-East Democratic Alliance (NEDA) convenor nilai a ni bawk. Mahse an programme erawh puanzar a ni lo a, Manipur-a an party unit pahnihte inkara inhriatthiam lohna awm chinfel an tum nia sawi a ni. 

Manipur-a BJP kaihhruai ṭangrual sorkar thlawptu MLA pakua chuan sorkar thlawpna an hnukdawk a ni. BJP MLA pathum chu bangin Congress party an zawm tawh bawk. Sorkar thlawpna hnukdawk zingah hian NPP MLA pali, Trinamool Congress MLA pakhat leh independent MLA pakhat an tel bawk. 

Congress hruaitu leh chief minister hlui O Ibobi Singh chuan BJP sorkar chuan sorkar siam zui zel turin thlawptu a ngah tawk tawh lo tih a sawi a, sorkar thar siam tumin Congress kaihhruai ṭangrual pawl an din tawh bawk a ni. Sorkar fiahna turin Govenor hnenah assembly special session ko turin an ngen tawh bawk.