Sericulture Industry din nan vbc 820 ruahman a ni : Irani

Union Textile Minister Smriti Irani chuan hmarchhakin sericulture lama hma a sawn zel theihna turin, sorkar laipui chuan Industry din nan cheng vaibelchhe 820 a ruahman tih Pathianni khan a sawi.

Meghalaya khawpui Shillong-a Investors Summit a hmanpuinaah he thu hi sawiin Union Minister Irani chuan, hmarchhaka chhungkaw nuai li vel ten sericulture lama eizawnna an kalpui theihna turin hma lak a nih tur thu a sawi a, a bikin hmeichhia te tan kawng hawn a ni ang, a ti. Hmarchhak state-te'n handloom, handicraft, sericulture, apparel leh garmenting lama hma a sawn theihna turin ministry chuan cheng vaibelchhe 1,040 a pechhuak tawh a ni a ti a, Act East policy hnuaiah hmarchhaka infrastructure project kalpui nan cheng vaibelchhe 52,000 ruahman a nih thu a sawi bawk.