June 8-ah KAAC inthlang dawn

Assam State Election Commissioner (ASEC) Alok Kumar chuan member 26 awmna, Karbi Anglong Autonomous Council inthlan chu June 8-ah neih a ni dawn tih a puang.

Alok Kumar chuan inthlanah hian vote thlakna atan electronic voting machines (EVMs) hmanna tur council-in dan a la siam loh avangin, ballot paper hman a ni dawn tih a sawi nghal bawk.

Inthlana chuh tumte tan May 23-ah nomination thehluh theih a ni dawn a, a tukah enfiah a ni ang. Inhnukdawk duhte tan May 24 thleng hun hawn niin, June 8-ah vote thlakin, June 12-ah vote tlate chhiar a ni ang.

District pahniha constituency 26 huam chhungah inthlan hi neih a ni dawn a, polling station 906 awmin, vote nei 7,03,298 an awm. Inthlana duty tur hian sorkar hnathawk 10,000 - 12,000 hman an ni ang. Anni bakah dan kengkawh turin police-te dah an ni dawn bawk a ni.