Kohima-ah bomb hlui tam tak lai chhuak
Nagaland police-te chuan Thawhṭanni khan bomb hlui 100 chuang zet Kohima-ah laihchhuah a nih thu an sawi.
Bomb-te hi state khawpui Kohima-a PR Hill Colony-ah laihchhuah a ni a, indopui pahnihna (World War-II ) hunlai ami a nih an rin thu police-te chuan an sawi. Kohima police official Atu Zumvu chuan, bomb-te hi insakna tura lei laihnaah laichhuah a nih thu sawiin, a vai hian 122 zet a ni, a ti.
Bomb Detection and Disposal Squad-te chung heng bomb-te hi endik turin an la a, an zir chiang dawn a ni. Nagaland bakah hian Aruanchal Pradseh-ah te pawh indopui pahnihna hunlai ami ni ngei a hriat ralthuam leh thlawhna kehthem te hmuhchhuah a lo ni fo tawh a, kum 2016 kha US aṭanga mithiam lo kal te chuan, sorkar laipui hmalakpuinain hmarchhak hmun hrang hrangah ralthuam hlui zawn chhuah leh zirchian hna an lo thawk tawh a ni.