Tripura-ah nikhatah thubuai 22,000 ching fel

Tripura-ah chuan nikhat thil thuah ‘Maha Lok Adalat’ hmangin court case 22,000 chinfel a nih thu official chuan a tarlang.

'Maha Lok Adalat' hi Pathianni khan Agartala-ah buatsaih a ni a, Tripura High Court Chief Justice T. Vaiphei chuan a ho a ni. Tripura State Legal Services Authority’s member-secretary Bipradas Palit chuan, hemi ni hian temporary court 40 siam a nih thu sawiin, court case 53,843 zet a awm a, a tam ber chu traffic rule bawhchhiat thubuai a ni, a ti. 

Tripura-ah hian thla tinin “Lok Adalats” buatsaih a ni ṭhin a, ‘Maha Lok Adalat’ erawh ṭum khat an buatsaihna a ni. Palit chuan an state-ah kumtin court case 148,275 chinfel loh a awm ṭhin thu sawiin, hemi tireh tura hmalakna pakhat a nih thu a sawi.