NEC leh Textile Ministry-te'n inremna ziak

Hmarchhak tana hmasawnna hna thawktu, North Eastern Council (NEC) leh Ministry of Textile-te chuan, bamboo sector lama thawkdun turin Shillong-ah inremna an ziak.

Hmarchhak state-te'n mau hmanga sum­dawnna leh, ṭhalaite tana eizawnna siam sak kawnga thawkdun turin inremna hi ziah a nih thu tarlan a ni. Inremna ang chuan Assam-ah Cane and Bamboo Technology Centre (CBTC) din a ni ang a, Tripuara-ah Bamboo & Cane Development Institute (BCDI) din niin, hmarchak mai ni lo South East Asia ramte nena thawkho tura hma lak a ni ang.

CBTC hma­laknain Regional Cen­tre of Excellence din tura ruahman a ni a, indus­try a tam thei ang ber din te, handicraft, entrepreneurship, desig­ning, technology leh kawng dangah te hma lak a ni ang.

Inremna hi NEC sec­retary Ram Muivah leh handicrafts development commissioner Alok Kumar-te chuan an ziak a ni. Union Textiles minis­ter Smriti Zubin Irani, Meghalaya Chief Minister Mukul Sangma, DoNER minister Jitendra Singh, MoS Home Affairs, Kiren Rijiju, MoS Textiles Ajay Tamta leh NITI Aayog vice chairman Arvind Panag­riya-ten an telpui a ni.