President-in Sikkim mipuite duhsakna hlan

President Ram Nath Kovind chuan nimina Sikkim State Day pualin, Sikkim mipuite duhsakna a hlan.

President chuan Sikkim chu organic farming leh sustainable development lamah ram pum tana entawn tlak a nih thu a sawi. Sikkim mipui zawng zawngte'n hma an sawn theih theihna turin duhsakna a hlan tih a ni.

Sikkim hi May 16, 1975 khan state puitlingah siam niin, India rama state 22-na a ni.

Prime minister Narendra Modi pawhin duhsakna hlanin, Sikkim mipuite chu India ram hmasawnna tura kawng hrang hranga an tha thawh avangin a fak bawk. Malsawmna dawng zel turin duhsakna a hlan.

Sikkim chief minister Prem Singh Tawang chuan state mipuite duhsakna a hlan bawk.

Union Minister leh Sikkim CM inkawm
Unon minister for heavy industries Mahendra Nath Pandey leh Sikkim chief minister Prem Singh Tamang chu Pathianni khan Gangtok-a Sikkim CM chenna inah an inkawm.

Pandey hi Rajya Sabha member Seema Dwivedi leh Heavy Industries ministry-a secretary Arun Goel-ten an ṭawiawm a ni.

Union Minister chuan mi retheite chenna in sak sakna scheme, Sikkim Garib Awas Yojana hlawhtling taka kalpui a ni chu lawmawm a tih thu sawiin, Sikkim sorkarin state tana hmasawnna hna a thawh hrang hrangte chu a fak bawk.

CM Tamang hian Uttar Pradesh chief minister Yogi Adityanath hnenah Ayodhya-ah Sikkim state tana guest house sakna tur ram acre 5 a dil thu te, Varanasi-ah pawh guest house dang sak an duh thute Pandey hi a lo hrilh a, Pandey pawhin a ṭul anga hma lak sak turin Adityanath chu lo biak a tiam a ni.