UDP-in Assam-Meghalaya border deal ennawn duh

17th May, 2022

Meghalaya-a rorellai, National People's Party (NPP) thawhpui, United Democratic Party (UDP) chuan Meghalaya leh Assam sorkarin ramri chungchanga inremna an lo ziah tawh chu ennawn leh an duh thu an sawi.

UDP general secretary Jemino Mawthoh chuan, Assam-Meghalaya border deal ziakah khan party hruaitute zingah ngaihdan in ang lo tak tak a awm tih a sawi. Hei vang hian UDP chuan Meghalaya sorkar hnenah pawh inremna ziah hi ennawn leh ngaih thu pawh a hrilh a ni, a ti.

Meghalaya chief minister Conrad K Sangma chuan Meghalaya Democratic Alliance (MDA) ṭangrual sorkara tel party zingah inremna siam tawh hi ennawn ṭhat leh duh an awm lo niin a hmain a lo sawi tawh a, mahse he thu a sawi hnu lawkah UDP chuan he thuchhuah hi an siam a ni.

Jemino Mawthoh chuan ramri chungchanga inremna thawh khatna an siama ngaihdan hrang hrang nei, he inremna pawmpui lo awmte chuan a thawh hnihna atana inremna siam tura inbiakna neih tur thlengin a nghawng thei dawn a ni, a ti.

March 29-a Assam leh Meghalaya sorkarin ramri buaina an neih mek hmun 12 zinga hmun paruka inremna an ziah hi Meghalaya-a pawl eng eng zat chuan an sawisel a ni.