Meghalaya-ah uranium tam zawk lachhuak dawn

Meghalaya sorkar chuan state chhunga uranium lak chhuah kawngah nasa zawkin Department of Atomic Energy (DAE)-in hma a la dawn niin a tarlang.

Sorkar thuchhuah chuan tun hnai khan Lok Sabha-ah hemi chung­chang hi Minister of State, Jitendra Singh chuan a sawichhuak niin a tarlang. Prime Minister Office (PMO) chuan DAE chu ruahmna thar siam turin a hriattir tawh a, “Kylleng- Phendengsohiong-Maw­thabah (KPM) Ura­nium Mining Project hnuaiah kalpui a ni ang. Jitendra Singh chuan, Meghalaya-a Domiasiat, Wahkyn leh Lostoin-ah te uranium lakchhuah loh eng emaw zat a awm a, nuclear siamna atomic power plant-a hman turin tam zawk lakchhuah tum a ni, a ti. Hemi atan hian Detail Project Rreport (DPR) siam a nih tawh thu sawiin, Atomic Energy Commission pawmpuina nghah mek a ni, a ti.

Jitendra Singh chuan, kum 2007 December khan hemi atan hian Ministry of Environment Forest and Climate Change (MoEFCC)-ah Envi­ronmental clearance dil a lo ni tawh bawk. Hemi atan hian Uranium Corporation of India Limited (UCIL) leh ram neitute pawhin inremna an siam tawh a ni. UCIL hian Jharkhand leh Andhra Pradesh-ah te project khawilai an nei a, an zawh hnuah hna ṭan theih beisei a ni. Minister chuan zawh belhna changin, Haryana leh Rajasthan-ah te uranium MW 700 vel zet buaipui mek a ni, a ti bawk.