SC-in Indo-Bangladesh Border hung tawpsan rih turin hriattir

Supreme Court (SC) chuan India-Bangladesh border hung hna thawh mek chu tawpsan rih turin Union Home Ministry (UHM) a hriattir.

Justice Ranjan Gogoi leh Justice Rohinton Fali Nariman-te chuan thupek hi tichhuakin, kum 61.49-a thui ramri hung hna thawh mek chu tawpsan lailawk turin a ti a ni. SC chuan Union Home Ministry hnenah hian February 14 ral hmaa India-Bangladesh border hung meka ruahmanna a neih te thehluh turin a hriattir. Rami hung hna hi thawh mek a ni a, km 13.38-a thui hung zawh a ni tawh a, hna hi tluang taka thawh a nih chuan July 2018-a zawh hman tura ruahman a ni.

Court chuan km 13.38-a thui hung tur hian thla 18 hman a nih thu sawiin, hna thawh zel dan tura ruahmnna te thehlut turin UHM a hriattir. Ramri hungnaah hian ṭhenawm ram Bangladesh phalna leh remtihna lak a ngaih thu a tarlang bawk. Ramri hung chungchangah hian Central Public WEorks Department, Border Security Force leh Assam sorkar aiawhte chuan committee an din a, anni hmalakna hnuaiah hian hna kalpui a ni.

Ram a chhengchhiat avangin ramri hung hna hi thawh chak theih a ni lo a, Jammu & Kashmir-a ramri hung nana an hman technology chu hman tuma hma lak mek a ni. Hna a hautak em avang hian kum 2020 hmain zawh hman a beisei awm loh nia tarlan a ni bawk.

SC chuan Assam Chief Secretary, Regis­trar General of India, State Coordinator of National Register of Citizens (NRC) leh Prateek Hajela-te chu February 14-ah court-a inlan turin a hriattir.