Pawngsual thubuaiah IIT-Guwahati zirlai pahnih man

Assam-a Indian Insti­tute of Technology-Guwahati (IIT-G) zirlai pahnihte chu pawngsual thubuaiah Nilaini khan man an ni.

IIT-G-ah hian kum tina an hman ṭhin cultural festival 'Alcheringa' chu February 4 aṭang khan ṭan a ni a, India rama University hrang hrang ṭangin zirlai an fuankhawm a ni. Ningani khan pawngsualtua puh zirlai pahnihte hi man an ni a, Alcheringa neih laia campus chhunga zirlai hmeichhe pathum pawngsualah puh an ni. Civil engineer zirlai Kunal Kumbhakar leh electronics engineer Ajay Dey-te hi Amingaon Police-te chuan an man a, sections 352, 354 leh 34 (case no. 14/17) tlawhchanin thubuai siam sak an ni. Kumbhakar leh Dey-te hian hmeichhe pathum te hi hrai ruiin an pawngsual zui ta niin police-te chuan an sawi a, an zinga pahnihte chu pawngsual an tawk ngei tih finfiah a ni tawh.

Alcheringa hi hmar­chhaka cultural festival lian leh lar ber te zinga mi a ni a, university zirlai bakah school, college leh zirna in hrang hrang aṭangin zirlai an fuan­khawm ṭhin a ni.