Nagaland: NTAC-te'n Chief Minister bang turin nawr zui zel
Nagaland Tribes Action Committee (NTAC)-te chuan Chief Minister TR Zeliang chu bang turin an nawr zui zel.
NTAC-te chuan CM Zeliang leh a cabinet-te chu ni thum chhunga an nihna aṭanga bang turin an lo hriattir tawh a, February 9 khan an hun tiam chu a ral a ni. Chief Minister chu hun tiam chhunga a nihna aṭanga a ban loh bakah, a cabinet-te pawhin an ngenna an zawm loh avangin NTAC-te chuan an kal zel dan tur an ngaihtuah ṭhat leh tur thu an sawi. State sorkarin an ngenna a ngai pawimawh lo chu pawi an tih thu sawiin, thil pawi zawk a thleng a nih pawhin sorkar cho chhuahah ngai turin mipuite an ngen tih an sawi.
Tribal Hoho-te chuan Zeliang hi bang tuin an nawr ve mek bawk a, Nagaland tualchhung buaina chhuah chhanah mawhphurtu ber a ni, an ti. Police leh nawrh huaihawtte inkara buaina chhuaka nunna chan ta chhungte chu an tawrhpui thu sawiin, zángnadawmna pek ngei an phut tih an sawi. Nagaland tualchhung buaina chhuak vang hian nunna chan pathum an awm tawh a, sorkar building leh lirthei eng emaw zat hal chhiat a ni tawh bawk.
Nagaland Baptist Church Council (NBCC) leh Nagaland Tribes Action Committee (NTAC)-te chuan February 9 khan meeting an nei a, NTAC hian nimin khan Governor hmuin an thil phut hrang hrangte an thlen.