Rel service-in tourism-ah hmasawnna a thlen ang : Sangma

Meghalaya Chief Minister Mukul Sangma chuan rel service chu tourism lamah hma­sawnna thlentu pawi­mawh tak a ni, a ti.

CM Sangma chuan, state khawpui Shillong-ah rel service tir tura hma lak mek a nih thu sawiin, hei hian tourism lamah nasa taka hmasawnna a thlen theih a beisei thu a sawi. Tribal pawl ṭhen­khatten dodal mah se hmalakna chu kalpui zel a nih tur thu sawiin, sorkar hmalakna dodal zawnga che lo turin a ngen. North Garo hills-a railway line chuan helai biala chengte tan hmasawnna nasa tak a thlen thu sawiin, kut hna­thawktute chuan Men­dipathar aṭangin an thlai thar chhuahte awlsam takin Guwahati-ah an thawnlut thei a ni, a ti. Rel service chuan loneitute hamṭhatna nasa tak a siam sak thu a sawi.

Byrnihat leh Shillong-ah te railway project kalpui tura ruahmanna a awm thu Sangma chuan sawiin, zirchianna neih mek a ni, a ti. Tourism chu an state tana hmasawnna thlen theitu pawimawh tak a nih thu a sawi bawk.