ONGC-in hmarchhak tan sports lamah hma la dawn

Oil and Natural Gas Corp (ONGC) chuan hmarchhak ṭhalai, sports lama thiamna nei ṭhate tan hma a lakpui dawn tih company official chuan kar kalta Zirtawpni khan a sawi.

ONGC Executive Director S.C. Soni chuan, an company chuan hmar­chhaka ṭhalai, infiamna lama thiamna nei ṭha bik te chu sum leh thil dangahte a ṭanpui dawn a ni, a ti. Hemi atan hian company chuan cheng vaibelchhe 24 a ruahman thu sawiin, Tripura-a Dasaratha Deb Sports stadium sakna tur a ruahman thu a sawi. Tripura sorkar chuan stadium sak nan hian cheng vaibelchhe 150 a ruahman bawk a ni. 

Stadium changtlung tak chuan sposts lamah nasa takin hmasawnna a thlen ngei a beisei thu a sawi. Executive Director chuan ONGC hmalaknain kum 20 hnuai lam tan Lucky-Srivastava Memorial Invitation Football Tournament buatsaih a nih thu a sawi bawk.

Tournament hi Inrinni aṭang khan ṭan a ni a, Tripura, Assam, Manipur, Mizo­ram, Meghalaya, Assam Rifles, Central Reserve Police Force leh Border Security Force aṭang-tein team 13 an tel a ni.