Assam Assembly House-ah Mobile phone hman an khap

Assam Legislative Assembly House chhung­ah mobile phone hman khap a ni.

Assembly budget session neih laiin All India United Democratic Front (AIUDF) MLA Aminul Islam chuan a thusawi lai chu Facebook-ah live stream-in a pe chhuak a, a hnuah nithum chhunga House-ah ṭhu thei lo a hrem zui a ni. He thil thleng hi ethics committee chuan a ngaihtuah hnuah House chhunga mobile phone hman khapna hi a tichhuak ta a ni. Assembly House chhungah hian thlalak khap a nih thu a tarlang bawk.

AIUDF MLA Aminul Islam bakah, Additional Advocate General, De­vajit Saikia pawhin budget session neih laiin ama thla a lo inlak sak tawh a, a thlalak hi facebook-ah a post a ni. Anni pahnih chungchang hi ethics committee-in ngun taka a ngaihtuah hnuah Thawhṭanni khan thutlukna a siam a, Assembly House chhunga mobile phone hman a khap bakah, additional advocate general Saikia chu House-ah ṭhu thei lo turin kar hnih chhung atan a hrem a ni.