Arunachal CM-in budget chungchang-ah Pawl hrang hrangte a kawm

Arunachal Pradesh Chief Minister Pema Khandu chuan budget session chungchangah, state chhunga pawl hrang hrangte chu 'consultative meeting' a neihpui a, Depu­ty Chief Minister Chowna Mein chuan a ṭawiawm. Assembly budget session hi nimin aṭang khan ṭan a ni a, March 6 thleng a awh ang.

Khandu chuan pawl hrang hrang aiawhte chu budget chungchangah rawtna thlen turin a ngen a, state mipuite hamṭhatna chu sorkar ngaih pawimawh ber a nih thu a sawi. Deputy Chief Minister Chowna Mein pawhin budget chungchang hriattirna hun a hmang a ni. State Annual Develop-ment Agenda (SADA) leh State Development Council (SDC)-te chuan budget chu an la zirchian leh tur thu a sawi.

State sorkar chuan edu­cation, health, agriculture leh tourism lamte a ngaih pawimawh thu a sawi.

Meeting-ah hian Aruna­chal Indigenous Tribes Forum (AITF), Nyishi Elite Society (NES), Galo Welfare Society (GWS), Adi Bane Kebang (ABK), Sajalong Elite Society (SES), Aka Elite Society (AES), Tanw Supun Dukun (TSD), Tagin Cultural Society, Cultural and Literary Society of Mishmis (CALSOM), Idu Mishmi Cultural and Literary Society (IMCLS), Sherdukpen Employees Welfare Association (SEWA), Tangsa Literary and Cultural Development Society (TLCDS) leh Wancho Cultural Society (WCS) aiawhte an tel a ni.