Sikkim Speaker-in MLA-te disqualify tura ngenna hnawl

Sikkim Legislative Assembly (SLA) spea­ker Shri K. N Rai chuan, Sikkim Subject Committee (SSC)-te'n Sikkim Krantikari Mor­cha (SKM) MLA pasarih disqualify tura an ngenna chu a hnawlsak.

Speaker K. N Rai chuan, Sikkim Subject Committee-te'n SKM MLA ban tura petition an thehluh chu pawm theih a nih loh thu sawiin, SKM MLA-te chauhin petition an thehluh theih thu a sawi. SSC Convener Navin Kiran Pradhan chuan SKM party chu an MLA-te chungah hremna lek tura an phut thu sawiin, hmalakna a awm lo a nih chuan Sikkim Subject Committee chuan state sorkar lakah petition thehluh an tum thu a sawi.