Hmarchhak tan ‘Astha Circuit Tourist Train’

North East Frontier Railway (NRF) leh Indian Railway Catering and Tourism Corporation (IRCTC)-te chuan tunhnai khan hmarchak tan ‘Astha Circuit Tourist Train’ an tlangzarh.

NRF Chief Public Relations Officer, Pranav Jyoti Sharma chuan, hmarchhak mipuite leh khualzinte tana ‘Astha Circuit Tourist Train’ ruahman a ni chu lawmawm a tih thu sawiin, Kamakhya, Puri leh Bhubaneswar aṭangtein tlan tir a ni dawn a, Kolkata aṭangin Kamakhya pana tlan a awm bawk ang. Heng bakah hian hmarchhaka khualzinte tlawh ṭhin hmun hmingthangte pawh tlawh pawh tir zel tum a ni, a ti.

Sakhaw hmun pawimawh Gan­gasagar, Sri Swamy Narayan Tem­ple, Kalighat, Birla Temple, Sri Jagannath Temple, Konark Temple leh Lingaraj Temple-te chu tourist train hmanga kalpawh theih tur zingah an tel a ni. Vawiin aṭang hian tlan ṭan tir tura ruahman a ni a, a chhuak hmasa berte hi hmun hrang hrang fanpui an nih hnuah February 23-ah Kamakhya-an an let leh dawn a ni. Kamakhya, Alipurduar, New CoochBehar, New Jalpaiguri, Malda, New Farakka, Pakur, Rampurhat leh Bolpur. De-boarding-ahte station siam a ni a, Rampurhat, Pakur, New Farakka, Malda Town, New Jalpai­guri, New CoochBehar leh Alipur­duar-ahte dahbelh tum a ni bawk.

Ticket hi online-in a lei lawk theih dawn a, www.Irctctourism.com-ah ngaihven theih a ni ang.