Army Chief-in Nagaland tlawh

Chief of army staff General Manoj Mukund Naravane chuan Thawhlehni khan zan khat riakin Nagaland-ah a zin a, state thuneitute chu security dinhmunte a sawipui.  

Army chief hian Nagaland a thlen ni hian governor RN Ravi leh chief minister Neiphiu Rio bakah army leh security official-te a hmu nghal a ni. State chhung security dinhmunte sawipuiin, boruak ṭha leh muanawm a awm theihna leh, Indo-Myanmar border venhimna kawngah state sorkar chu theihtawpa an thawhpui zel tur thu a sawi a ni. 

Nimin khan General Naravane hian Kohima Orphanage and Destitute Home tlawhin, Assam Rifles-ten residential facility an siam thar chu a hawng nghal bawk a, hemi hnu hian Delhi lamah a kir leh nghal a ni. Thawhlehnia Nagaland a tlawh hma hian Manipur-ah kalin, army leh Assam Rifles headquarters-te a tlawh a ni.