AP-ah hel 6 an inpe

Arunachal Pradesh-a Tirap district-ah Nilaini khan 6th Assam Rifles team hmaah National Socialist Council of Nagaland (NSCN) hel paruk an inpe.

Hel inpete hi NSCN-a Isak Muivah (IM) leh Eastern Naga National Government (ENNG) pawla mite an ni a, pistol pahnih leh a mu an pe lut tel bawk.

Official-te chuan Tirap, Changlang leh Longding (TCL) biala hel 60 chuang an inpe tawh tih sawiin, an zingah hian helpawl hruaitu pawimawh tak takte pawh an tel tih an sawi. Tun ṭuma hel paruk inpe pawh hi an ṭhiante dangin an rawn entawn a, nunphung pangngaia zawh tura helna bansana an inpek belh leh ngei an beisei thu an sawi a ni.

Arunachal Pradesh sorkar hian hel inpete nunphung pangngai an zawh chhoh theihna tura ṭanpui leh chhawmdawlna atan, 'surrender policy' hnuaiah budget, Rs vaibelchhe 5 a dah a ni.