Meghalaya-in Dec 1 aṭangin School hawn phalsak

Meghalaya education minister Lakhmen Rymbui chuan state sorkar chuan rural area-a school, Class 6 chin chunglam chu December 1 aṭangin hawn a phalsak tih a sawi. Urban area-ah chuan Class 9-12 hawn phal a ni thung ang. 

Minister chuan school hawn hi phal ni mah se, zirlai naupangte chu an nu leh paten kal an remtih chauhte kal tir an ni ang, a ti. Attendance chu compulsory a ni dawn lo tih a sawi a ni. 

School hawn a nih hunah pawh sorkarin hri darh tur venna atana kaihhruaina a siamte khauh takin an kengkawh tur a ni, tiin minister chuan a sawi. Hri leng avang hun rei tak chhung zirna mumal taka kalpui theih loha a awm avangin sorkar chuan school academic year pawh nakkum February thleng atan a pawhsei thu minister chuan a sawi.