Tripura Budget Session ṭan

Tripura Legislative Assembly budget session chu nimin aṭang khan ṭan a ni a, March 15 thleng a awh ang.

Assembly speaker, Ramendra Chandra Debnath chuan House member-te chibai a buk a, Governor Tathagata Roy chuan seesion ṭanni hian thu a sawi. Finance Minister Bhanulal Saha chuan kar leh Thawhṭanni khian sorkar kum 2017-18 atana state budget chu a pharh ang. Session neih chhung hian bill eng emaw zat ngaihtuah a ni dawn a, chung zingah chuan Tripura Lokayukta Act, 2008 pawh a tel. Opposition party Congress leh Trinamool Congress-te chuan tun hnai state chhunga tharum thawhna thleng chungchang an sawi chhuah rin a ni.