Manipur-a hri kai zingah JNIMS doctor a tel

Manipur-ah Ningani khan Covid-19 kai hmuh chhuah thar mi 15 an awm a, an zingah hian Jawaharlal Nehru Institute of Medical Sciences (JNIMS), Imphal-a doctor thawk lai pakhat a tel. 

Hri kai hmuh chhuah tawh hi mi 1,450 an tling tawh a, an zinga 799 chu enkawl dam ni tawhin, hri kai mek 651 an la awm. JNIMS hospital doctor, hri kai hmuh hi sample collection team zinga mi niin, JNIMS-a healthcare worker zinga hri kai awm hmasa ber a ni. He hospital-ah hian Covid-19 kai enkawl hi 323 an awm tawh a, an zinga 220 chu an dam tawh a ni.