Meghalaya MLA-te tan leadership training programme buatsaih

Bharti Institute of Public Policy leh Meghalaya Legislative Research Fellowship Programme (MLRF)-te huaihawtin, Punjab-a Indian School of Bussiness-ah Meghalaya MLA leh minister-te tan ni li awh training programme buatsaih a ni.

He training-ah hian MLA 28 leh minister pathum an tel. He programme hi legislative institution thuam chakna tur leh, policy maker-te tana chona hrang hrang hmachhawn dan tur chungchangte zirho a ni. Training neih chhung hian Punjab Vidah Sabha pawh tlawhin, Punjab MLA-te nen inkawmna hunte an hmang.

Punjab governor Banwarilal Purohit chuan Meghalaya MLA-te hi kawmin, zanriah a lo buatsaih sak.

Bharti Institute of Public Policy executive director Ashwini Chhatre chuan, hetiang programme buatsaih ṭhin hian dan pawimawh tak tak sawihona kawngahte a ṭangkai a, hruaitute pawh a tichak ṭhin a ni, a ti. State assembly hrang hrangin hetiang workshop hi an buatsaih ṭhin hunah, hruaitu hmasawnna kawngah te, policy siamna kawngah leh policy kalpuina kawngah inthlak danglamna nasa tak a thleng ngei ang, a ti.