France ambassador-in Sikkim tlawh

India rama France ambassador Emmanuel Lenain chuan ni thum chamin Sikkim a tlawh a, Embassy-a first counsellor Laurent Triponey-a'n a tawiawm.

Sikkim-a a cham chhungin Lenain hian chief minister Prem Singh Golay pawh tlawhin, thawh dun dante an sawidun a ni.

Media mite a kawmnaah ambassador Lenain chuan France sorkar chuan Sikkim education sector thawhpui a duh dante sawiin, SikkimCM kaihhruai SKM sorkar flagship programme hnuaia Soreng-Chakung constituency-a Netaji Subhash Chandra Bose Centre for Excellence nena an thawhdun dan turte a sawilang bawk. He univeristy-ah hian French language course siamin, Sikkim leh France-a zirlaite tan pawh exchange programme siam dan turte an ngaihtuah dawn tih a sawi.

France ramah Indian zirlai 10,000 chuang awmin, kum 2025-ah chuan a leta an pun a rinawm thu Lenain chuan a sawi. Exchange programme tam zawk siam chhoh a nih theihna turin Sikkim-ah institution leh tutor-te dah a duh tih a sawi a ni.