Manipur cabinet-in plastic policy a pawm

Manipur state cabinet chuan single-use plastic tihtawpna tura hmalakna turin Manipur Plastic Policy 2022 a pawm.

Chief minister N Biren Singh kaihhruaia CM secretariat-a meeting-ah hian minister 11 te an tel kim vek a ni. Meeting-ah hian sorkar thar hnuaia 100 Days programme chungchanga hmasawn dante an thlir ho bawk.

Manipur Plastic Policy 2022-a hian plastic pollution hrang hrang awm ṭhin tihbona tura plastic hman dan chungchanga kaihhruaina dan siam a ni a, he dan zawm lo chu kum nga thleng lung-in tantir bakah, Rs nuai khat thleng chawi tir theih an ni ang.

Cabinet meeting-ah hian Manipur Tourism Policy 2022 pawm a ni bawk. He policy hmang hian state tourism chu nasa zawka chawi lar a, eizawnna tam zawk siam leh, investment ti tura mi tam zawk hip lut a, tourism sector-a sum hmuhte a pun theihna tura hma lak tum a ni.