Manas National Park-in 'Tiger Conservation Excellence Award' a dawng

Assam-a UNESCO Natural World Heritage site, Manas National Park chu sakei humhalhna kawnga a thawh ṭhat avangin Global Tiger Forum chuan  'Tiger Conservation Excellence Award' a hlan. 

International organisation, Global Tiger Forum hi sakei hum­halhna kawnga hma la tu niin, khawvel sorkar hrang hrangin an thlawp a ni. He chawimawina hi Manas National Park leh Bhutan-a Royal Manas National Park hnenah hlan an ni. 

Covid 19 hripui leng vangin chawimawina hi virtual-a hlan a ni.

Manas Tiger Project director Amal Sarma chuan kum 2010 khan park-ah hian sakei 10 chauh awmin, tunah chuan 30-ah an pung tawh tih a sawi. Heng zinga pali chu a te niin, 26 chu an lian an ni, a ti. Kum 10 kal ta chhung Park-a keite awm zat pawh 28-ah a pung tih a sawi bawk. 

Assam khawthlang lam, Bhutan nena inrinaah Manas National Park hi a awm a, kum1928, October 1 khan sanctuary-ah puan a ni a, kum 1985 December thla khan UNESCO chuan World Heritage site-ah a puang leh bawk.