Nagaland-ah Covid-19 kai hmuh thar 23 awm leh
Nagaland-ah coronavirus kai hmuh bleh mi 23 an awm a, an zinga 14 chu Kohima mi niin, Dimapur-ah pasarih, Wokha leh Phek-ah pakhat ve ve an awm.
Hri kai hmuh tharte nen Nagaland-a Covid-19 kai hmuh chhuah tawh hi mi 696 an ni tawh a, an zinga 304 chu enkawl dam an ni tawh. Quarantine center atana hman, St Francis School, Tizit-a awm mek zinga ṭhenkhat chu July 2 khan intibuaiin school bungrua te an tichhia a, hei vang hian Tizit police station-ah thubuai ziahluh a ni. He buainaa inhnamhnawih zinga paruk chu an inkhung hran hun a tawp hnuah Ningani khan man nghal an ni.