PIB-in Guwahati-ah webinar buatsaih

Press Information Bureau (PIB) chuan Nilaini khan Guwahati-ah webinar on disaster management and crisis communication a buatsaih a, National Disaster Mana­gement Agency member Lt Gen (retd) Syed Ata Hasain chu khuallian a ni.

Khuallian chuan chhiatna leh hun harsa tawh laiin communication ṭha leh rintlak chu a pawimawh hle tih sawiin, sorkar pawhin leilung chhiatna thlengin thil a nghawng pawi theih turte tihziaawm a nih theihna turin a hmaa warning lo pe thei zel tura a inbuatsaih ṭhat pawh a ngaih thu a sawi. 

Webinar-ah hian Assam-a district 25-a district information and public relations officer-te bakah, IIMC Aizawl leh Tezpur University zirlai naupang te, hmarchhak state pariat-a PIB leh Re­gional Outreach Bureau official-te an tel bawk. 

Ministry of information and broadcasting-a north east zone department head LR Vishwanath; Tezpur University-a Mass Communication depart­ment head Joya Chakra­varty; Indian Institute of Mass Communication, Aizawl-a assistant pro­fessor Dr C. Lalmuan­sangkimi leh Assam sorkara information officer Meghan Choudhury-ten communication pawimawhna chung­changa thupui hrang hrang hmangin an sawi bawk a ni.