Guwahati-ah hri kai pung chak

Assam-ah hri kai an pun belh zel a, Ningani khan hri kai hmuh chhuah thar 568 awmin heng zinga 355 chu Guwahati khawpui bika mi an ni. 

Health minister Himanta Biswa Sarma chuan Guwahati khawpuia chengte chu hri kai an pun belh zel avangin chiai lo turin a chah a, hemi rual hian hri darh zel tur venna atan theihtawpa fimkhur zel turin a ngen. Guwahati khawpui hian July 12 thleng atan total lockdown puan mek a ni a, vawiina hian review meeting neiin pawhsei a nih dawn leh dawn loh ngaihtuah a ni ang. Assam-a hri kai hmuh chhuah tawh hi mi 14,600 an tling tawh a, an zinga 5,423 chu enkawl mek an ni. He hri vanga thi hi mi 27 an awm tawh bawk.