Sikkim-ah Hydro Power Project lian ber dawttu hawng

Sikkim-a power MW 1200 pe chhuak thei Teesta Stage III power project chu kar kalta Zirtawpni khan hawn a ni a, India rama Hydro Power Project lian ber dawttu a ni.

Sikkim Chief Minister Pawan Cham­ling chuan, India rama Hydro Power Project lian ber dawttu hawn a ni thei ta chu lawmawm a tih thu sawiin, state sorkar chuan power tam zawk thar chhuak tura hma a lak mek thu a sawi. Power MW 1,200 pe chhuak thei Teesta chuan power-ah intodelh turin nasa taka an ṭanpui a beisei thu leh, state dang tan pawh chhawr­nahawm tak a nih a beisei thu a sawi.

India rama Hydro Power Project lian ber dawttu, Teesta Power Project siam hna hi Private Developer Teesta Urja chuan kum 35 chhung an thawk a ni. A siam nan hian cheng vaibelchhe 13,965 sen a ni. Sikkim sorkar chuan kum 15 chhungin power 12% a thlawnin a hmang thei dawn a, hemi hnu hian 15% a hmang chho thei dawn a ni.