Kejriwal-a'n Sharmila-i Party tan Rs 50,000 pe

Delhi Chief Minister Arvind Kejriwal chuan, Manipur assembly election neih tura chuh tum, Irom Sharmila-i party, Peoples Resurgence and Justice Alliance (PRAJA) tan cheng 50,000 a pe. Delhi Chief Minis­ter Kejriwal chuan Inrinn khan ṭan­puina sum hi a hlan a, PRAJA an thlawpna leh duhsakna an lantirna a nih thu a sawi. Manipur 'Iron Lady' Irom Sharmila leh a party-te duhsakna a hlan thu hi Kejriwal chuan Twitter-ah tarlangin, duhsakna a hlan nghal a ni.

Manipur state-a regional party hmasa ber PRJA hian campaign-na tur sum an tuak mek a, tunah hian 'online crowd­funding' kalpuiin “Ten For a Change” tih chu an thupui a ni. Ṭanpuina sum pe tur hian mi khawngaihna an dil a, cheng nuai 4.5 an hmu tawh. PRJA hruaitu Erendro Leichonbam chuan, India politics kalphung chu a ṭha zawnga thlak thleng an tum thu sawiin, Manipur aṭanga bul an ṭan tur thu a sawi.