AP-ah Amit Shah a zin

Union home minister Amit Shah chu ni hnih cham turin Inrinni liam ta khan Arunachal Pradesh-ah a zin a, development project eng emaw zat a hawng.

Amit Shah hian Inrinni khan Tirap district-a Narottam Nagar-a Ramakrishna Mission-in Golden Jubilee an lawmna a hmanpui a, Swami Vivekananda lim a hawng bawk. Lohit district-a Parshuram Kund-ah feet 51-a sang, Lor Parshuhram lim siamna tur lungphum a phum bawk a ni.

Nimin khan Namsai district-a Tengapani-a Golden Pagoda-ah puja hmangin, social organisation aiawhte a a hmu a, hemi hnu hian Namsai general ground-ah vantlang inkhawm neiin project eng emaw zat a hawng bawk.

Namsai-ah hian Indian Army, ITBP, SSB, Assam Rifles, BRO leh National Highway Infrastructure Development Corporation LTD (NHIDCL) official-te nen securiy and development review meeting an nei a, tlai lamah Delhi lam a pan leh nghal a ni.

Amit Shah hian union home minister a nih hnuah Arunachal Pradesh a tlawh ṭum hnihna a ni a, kum 2020 February thla khan statehood day lawmna hmanpuiin a lo tlawh bawk.

Union home minister hian mega cross-country tour a nei mek a; Assam, Telangana, Kerala leh Uttarakhand-te tlawh tawhin, May 27 leh 28 hian Maharashtra leh Gujarat a tlawh leh ang.