Manipur : In lam hna thawk tura police chhawrtu IPS officer suspend

Manipur sorkar cuan in lam hna thawk tura police-te chhawrtu, IPL officer, 7BN Manipur rifles commandant PG Singsit chu a suspend.

Chief minister N Biren Singh chuan kar liam ta khan IPS officer suspend-na tur thupek hi a tichhuak a ni.

N Biren Singh chuan, "State chhung security, border security, VVIP security-te thuam chakna turin mihring tam zawk kan mamawh thute pawh kan lo sawi tawh. Hetih lai hian commanding officer, IPS leh midangten an in lam hna thawk tura police an chhawr thute kan dawng leh a ni. Hei vang hian DG, chief secretary, IG leh hruaitu dangten meeting neiin kan sawiho a ni," a ti.

CM chuan IPS officer hrem tak hian a inah inchhungkhur hna thawk turin police 15 vel a chhawr ṭhin nia sawiin, a farmhouse lamah pawh thil siamṭhat hna thawk turin police 19 vel a chhawr bawk nia thu an dawn thu a sawi. Hei vang hian thil awmdan enfiah turin DC leh IG chu a inah hian tirh an ni a, police 13 - hmeichhia pali leh mipa pakua-te chu a quarter-ah hian in chhungkhur hna thawk tura a chhawrte an va hmu ta ngei a ni, a ti. Heng police a chhawrte hian pawn lama an chhuah pawh a phalsak lo nin an sawi bawk.

Police official zingah dik lo taka tite chu dapchhuah zel an ni dawn tih CM chuan a sawi a, "Police-te hi police hna thawk tura lak an ni. Hei vang hian hnathawk tura lak an nihna chhan ang chu thawh tir a ni tur a ni," a ti.