Nagaland : Tribal-te'n bandh titawp

Nagaland-a tribal pawl hrang hrangten Chief Minister T.R. Zeliang-a bang tura phut nana bandh an huaihawt chu Thawhlehni khan an ti tawp.

Bandh hi Nagaland Tribes Action Committee (NTAC) leh Joint Coordination Committee (JCC)-te bultuma neih a ni a, mipuiten an thlawp ṭha hle. NTAC leh JCC-te chuan, Urban Local Body (ULB) eletion-a seat 33% hauhsak tura thutlukna siam a nih chungchangah Zeliang-a chu mawhphurtuah puhin, bang turin na takin an nawr a ni. January 31 aṭang khan Nagaland hmun hrang hrangah nawrh huaihawt ṭan a ni a, police leh mipuite innawr buainaah mi pathum an thi a, sorkar building leh lirthei eng emaw zat hal a ni bawk.

TR Zeliang hian kar hmasa Ningani khan New Delhi a pan a, sorkar laipuia mi pawimawhte a dawr hnuah Pathiannni khan Nagaland-ah a a let leh a, Gover­nor hnenah banna a thehlut zui ta a ni. Banna a thehluh tak avang hian NTAC leh JCC-te chuan tiam chin awm loa bandh an kalpui chu an tawpsan zui ve ta a ni. NTAC hruaitu K. T. Vilie chuan, "TR Zeliang-a'n kan ngenna ngai pawimawha chief minister a nihna aṭanga bannaa a theh luh tak avangin bandh kalpui pawh tihtawp a ni ta a ni" a ti.

Zeliang-a'n banna a thehlut ta chu lawmawm a tih thu sawiin, an kalzel dan tur chu an la ngaihtuah ṭhat leh tur thu a sawi bawk.