GNLA Chairman bail-in chhuah

Hmarchhaka helpawl lian Garo National Liberation Army (GNLA) chairman, Champion Sangma chu kum nga dawn jail-a khung a nih hnuah Thawhlehni khan bail-a chhuah a ni. Lower court chuan bail-a chhuah phalna hi a tichhuak a ni.

GNLA chairman Sang­ma hi July 30, 2012 khan Indo-Bangladesh border-ah man a ni a, a chhungten cheng nuai khat an pek hnuah Shillong jail aṭangin bail-a chhuah a ni ta a ni. Sangma-a ukil, Sujit Dey chuan Dis­trict and Sessions Court-ah a chungchang ngaihtuah a nih hnuin chhuah lailawk a nih thu a sawi a, chungchang hi la ngaihtuah ṭhat leh tur a ni, a ti. Meghalaya Prevention of Detention Act (MPDA) hmanga hremna pek a nih thu a sawi bawk.

Sangma hi Meghala­ya-a East Garo Hills leh West Garo Hills vela pawi­khawihna thlengah ṭum eng emaw zat a in­hnam­­hnawih a ni. A chung­chang ngaihtuah tur hian High Court chuan February 14 khan hriattir­na a tichhuak a, ni 20 chhunga chingfel turin Lower court a hriattir. Sangma awm loh hnu hian GNLA hi Sohan D. Shira chuan a kaihhruai a ni.