Helten Manipur Deputy CM an bei

Manipur Deputy Chief Minister Gaikhangam chu Tamenglong district-ah Thawhlehni khan hel tu tihhriat lohten an bei a, a him hram.

Tamenglong district-a Namkalong khuah Gai­khangam leh a ṭhuihruaite chu zinglam dar 10:30 vel khan beih an ni a, election meeting nei tura kal an ni a, an zingah hian Home Minister pawh a tel a ni. Police-te chuan helte hi tute nge an nih an la hriat loh thu leh, pawikhawihtute chu an zawn mek thu an sawi. He thil thleng hi tribal helte thil tih a nih an rin thu an sawi. Deputy CM Gaikhangam hian assembly election neih turah Khoupum consti­tuency-ah a chuh dawn a, campaign a nei mek a ni.