Meghalaya Congress-in Assembly building-a Dome chim chungchang chhui chian an phut

Meghalaya Pradesh Congress Committee (MPCC) chuan Mawdiangdiang, Shillong-a Meghalaya Legislative Assembly building thar tur sak meka a chung mum, dome chim chungchang chu chhui chian an phut tih an sawi.

Shillong-a press conference an neihah, MPCC working president PN Syiem chuan, " Tender tihchhuahah khan firm dang hnena subcontract pekna tur engmah telh a ni , mahse building sakna thawktu firm, UPRNN Ltd khan Assam-a construction-based company BRC Ltd hnenah subcontract a pe chhawng a ni. He firm hian dome siam lamah engmah hriat la nei lo chungin an thawk zui a ni," a ti.

Dome chim chungchang chhui turin sorkar chuan independent inquiry din ngei se an phut thu sawiin, Syiem chuan central agency pawhin he project-a inhnamhnawih hrang hrangte chu chhui chiangin, chhiatna thlenna chhana mawhphurtu chu zawnchhuah ngei an phut tih a sawi.

Meghalaya Assembly building sak laia dome an dah thar hnu lawkah Pathianni khan a chim a ni. Rs vbc 127 project, building sak hna hi Uttar Pradesh-based Rajkiya Nirman Nigam Ltd-in a thawk a ni.