Meghalaya CM-in office kal nan electric vehicle hmang dawn

Meghalaya chief minister Conrad K Sangma chuan office kalna atan electric vehicle (EV) a hmang dawn tih a sawi.

CM Sangma chuan department hrang hrang leh state mipuite pawh boruak chhe tur venna kawng leh, fossil fuel-in global warming leh climate change a nghawng zel tur venna atan electric vehicle hi hmang uar turin a chah nghal bawk.

Chief Minister chuan fossil fuel-a an innghat lutuk titlemna atan electric vehicle hi a hmang dawn a, department hrang hrang pawhin an hman uar chhoh tur thu a sawi. "Electric vehicle hman vang hian sum sen chu a tlem phah bakah, environment humhalhna kawngah tha kan thawh ve thei dawn a ni" a ti. CM hman tur electric vehicle hi kar liam ta kar tawp khan chah thlen a nih thu official-te chuan an sawi.